ஆண்டவரை இனி வீட்டிலேயே காணலாம்

ஆண்டவரை இனி வீட்டிலேயே காணலாம்

நடிகர் கமல், இளம் இயக்குனர் லோகேஷ் கனகராஜ் இயக்கத்தில் நடித்து கடந்த ஜூன் 3ஆம் தேதி வெளிவந்த திரைப்படம் ‘விக்ரம்’. படத்தில் கமலுடன், நடிகர்கள் சூர்யா, விஜய் சேதுபதி, பகத் பாசில், நரேன், காளிதாஸ் ஜெயராம், அர்ஜூன் தாஸ் ஆகியோர் உடன் இணைந்து நடித்துள்ளனர். இந்த திரைப்படத்துக்கு அனிரூத் ரவிசந்திரன் இசையமைத்துள்ளார். 1986ஆம் ஆண்டு ‘விக்ரம்’ என்ற பெயரில் திரைப்படம் ஒன்றில் நடித்த கமல் இப்போது, மீண்டும் அதே டைட்டிலில் மீண்டும் நடித்து இருக்கிறார். மிக நீண்ட இடைவெளிக்கு பிறகு வெளியாகும் கமலின் படம் என்பதாலும், வித்தியாசமான கதைக்களம் காரணமாகவும் திரைப்படத்தை ரசிகர்கள் கொண்டாடி தீர்த்துள்ளனர். விக்ரம் வெளியாகி நான்கு வாரங்கள் முடியவுள்ள நிலையிலும் திரையரங்குகளில் விக்ரம் வெற்றிகரமாக பயணித்துக்கொண்டு இருக்கிறது. இந்த நிலையில் தனது சொந்த தயாரிப்பு நிறுவனம் மூலம் விக்ரம் திரைப்படத்தை தயாரித்த கமல், வெளியீட்டு உரிமையை ரெட்ஜெய்ண்ட் மூவிஸ்க்கு கொடுத்து இருந்தார். இதனைத்தொடர்ந்து, திரைப்படம் வரும் ஜூலை 8ஆம் தேதி ஓடிடியில் வெளியாகிறது என்று அறிவிக்கப்பட்டுள்ளது. விக்ரம் திரைப்படத்தின் சாட்டிலைட் உரிமையை டிஸ்னி ப்ளஸ் ஹாட்ஸ்டார் பெற்றுள்ளது. இனி கமலின் ரசிகர்கள் தினம் தினம் ஆண்டவரை வீட்டிலேயே சந்திக்கலாம் போல…