day,
00
month
0000
நடிகர் சிவகார்த்திகேயன் நடிப்பில் அனுதீப் இயக்கத்தில் உருவாகியுள்ள திரைப்படம் ’பிரின்ஸ்’. இந்த திரைப்படத்தில் உக்ரைன் நாட்டைச் சேர்ந்த மரியா ரியாபோஷப்கா கதாநாயகியாக நடித்துள்ளார். மெடி ஜானரில் உருவாகியுள்ள இந்த திரைப்படத்தில் சத்யராஜ், பிரேம்ஜி ஆகியோர் முக்கிய கதாப்பாத்திரத்தில் நடித்துள்ளனர். தமன் இசையமைத்துள்ள இந்த திரைப்படம் தமிழ் மற்றும் தெலுங்கு என இரு மொழிகளில் உருவாகியுள்ளது. இந்த படத்தை ஸ்ரீ வெங்கடேஸ்வரா சினிமாஸ், சுரேஷ் புரொடக்ஷன்ஸ் மற்றும் சாந்தி டாக்கீஸ் ஆகிய நிறுவனங்கள் இணைந்து தயாரித்துள்ளன. பிரின்ஸ் இந்த வருட தீபாவளிக்கு திரையரங்குகளில் வெளியாகும் என்று அறிவிக்கப்பட்டு இருந்தது. இந்த நிலையில் வரும் அக்டோபர் 21ஆம் தேதி வெளியாகும் என்று படம் வெளியாகும் தேதியை சிவகார்த்திகேயன் ட்விட்டரில் பதிவிட்டுள்ளார். பிரின்ஸ் படத்தின் ’பிம்பிலிக்கி பிலாப்பி’ மற்றும் ‘ஜெசிக்கா’ ஆகிய பாடல்கள் அண்மையில் வெளியாகி பெரும் வரவேற்பைப் பெற்ற நிலையில் சிவகார்த்திகேயனின் அறிவிப்பால் அவரின் ரசிகர்கள் உற்சாகத்தில் உள்ளனர்.
