நன்றி ஐயா – நடிகர் சிவகார்த்திகேயன் பாமக ராமதாசுக்கு ரீ டுவிட்

நன்றி ஐயா – நடிகர் சிவகார்த்திகேயன் பாமக ராமதாசுக்கு ரீ டுவிட்

நடிகர் சிவகார்த்திகேயன், பிரியங்கா மோகன் இணைந்து நடித்து வெளியான திரைப்படம் டான். இந்த படத்தில் எஸ்.ஜே.சூர்யா, சமுத்திரக்கனி உள்ளிட்ட முன்னணி நடிகர்கள் இணைந்து நடித்திருந்தனர். அப்பா-மகன் இடையேயான பாசத்தையும், பொறியியல் கல்லூரி மாணவர்களை கதைக்கருவாக கொண்டு உருவான டான் படம் ரசிகர்களிடையே பரவலாக நல்ல வரவேற்பை பெற்றதுடன் வணிக ரீதிகாவும் ரூ.100 கோடி வசூல் பெற்று வெற்றிப்பெற்றதாக கூறப்படுகிறது. இந்த நிலையில், டான் திரைப்படம் குறித்து. பாமக நிறுவனர் டாக்டர் ராமதாஸ் நேற்று வெளியிட்டிருந்த டுவிட்டர் பதிவில், ’நடிகர் சிவகார்த்திகேயன் நடித்த டான் திரைப்படம் பார்த்தேன். “பெற்றோரை அவர்கள் இருக்கும்போதே கொண்டாடுங்கள் (Celebrate Your Parents When They Are With You)” என்ற பாடத்தை சொல்லும் அந்த திரைப்படம் அனைவராலும் பார்க்கப்பட வேண்டிய ஒன்றாகும்’! என்று குறிப்பிட்டு சிவகார்த்திகேயன் மற்றும் படத்தின் இயக்குநர் சிபி சக்ரவத்தியை டேக் செய்துள்ளார். இதனையடுத்து, ராமதாஸின் டுவிட்டை சிவகார்த்திகேயன் “நன்றி ஐயா” என்று குறிப்பிட்டு ரீ ட்விட் செய்துள்ளார்.