day,
00
month
0000
பார்த்திபன் எழுதி, இயக்கி, தயாரித்த இரவின் நிழல் படம் கடந்த ஜூலை 15 ஆம் தேதி திரையரங்குகளில் வெளியானது. இந்தப் படத்தை ஒரே ஷாட்டில் நான் லீனியர் முறையில் மிக நேர்த்தியாக உருவாக்கிய இயக்குநர் பார்த்திபன், இசையமைப்பாளர் ரஹ்மான், ஒளிப்பதிவாளர் ஆர்தர் ஏ.வில்சன், கலை இயக்குநர் விஜய் முருகன் உள்ளிட்டோருக்கு பாராட்டுகள் குவிந்து வருகின்றன. எனினும், திரைப்படத்துக்கு கலவையான விமர்சனங்களும் கிடைத்து வருகின்றன. இந்த நிலையில் நல்ல திரைப்படங்களை பார்த்ததும் அது குறித்து படக்குழுவினரை அழைத்து பாராட்டும் பழக்கம் கொண்ட நடிகர் ரஜினிகாந்த், இரவின் நிழல் படம் பார்த்து, பார்த்திபனை தனது வீட்டிற்கு அழைத்து பாராட்டியுள்ளார். மேலும், ”இரவின் நிழல் படத்தை அசாத்திய முயற்சியுடன் ஒரே ஷாட்டில் முழு படத்தையும் எடுத்து, அனைவருடைய பாராட்டுக்களையும் பெற்று, உலக சாதனை படைத்திருக்கும் நண்பர் பார்த்திபனுக்கும், அவரது அனைத்து படக்குழுவினருக்கும், மதிப்பிற்குரிய ஏ.ஆர்.ரஹ்மானுக்கும், முக்கியமாக படம் பிடித்த ஒளிப்பதிவாளர் ஆர்தர் வில்சனுக்கும் எனது மனமார்ந்த பாராட்டுக்களும் வாழ்த்துகளும்” என்று ரஜினிகாந்த் தெரிவித்துள்ளார்.
