எம்பிஏ, எம்சிஏ படிப்புகளுக்கு இன்று முதல் விண்ணப்பிக்கலாம்

எம்பிஏ, எம்சிஏ படிப்புகளுக்கு இன்று முதல் விண்ணப்பிக்கலாம்

2022-23ஆம் கல்வியாண்டில் அரசு, அரசு உதவி பெறும் பொறியியல் கல்லூரிகள் மற்றும் கலைக் கல்லூரிகள், அண்ணா பல்கலைக் கழகம், வட்டார மையங்கள், அண்ணாமலை பல்கலைக்கழகம், சென்னை பல்கலைக் கழகம், இதர பல்கலைக் கழகங்கள், சுயநிதி பொறியியற் கல்லூரிகள் மற்றும் கலை மற்றும் அறிவியல் கல்லூரிகளில் தொழில்நுட்பக் கல்வி இயக்ககம் மற்றும் கல்லூரிக் கல்வி இயக்ககத்தின் கட்டுப்பாட்டில் இயங்கும் எம்பிஏ மற்றும் எம்சிஏ படிப்புகளில் சேர்க்க இன்று முதல் விண்ணப்பிக்கலாம் என்ற அறிவிப்பை தொழில்நுட்ப கல்வி இயக்ககம் வெளியிட்டுள்ளது. அதன்படி, www.gct.ac.in, www.tn-mbamca.com என்ற இணையதளங்கள் மூலம் விண்ணப்பங்களை இரண்டு பட்டப்படிப்புகளுக்கும் தனித்தனியாக விண்ணப்பங்களை சமா்ப்பிக்கலாம். இன்று (ஜூலை 11ஆம் தேதி) திங்கட்கிழமை முதல் ஆகஸ்ட் 5-ஆம் தேதி வரை விண்ணப்பங்களை சமா்ப்பிக்கலாம். கலந்தாய்வு இணையதளம் வாயிலாக மட்டுமே நடைபெறும். மேலும், விவரங்கள் அறிய www.gct.ac.in, www.tn-mbamca.com இணையதள பக்கத்தை பாா்க்கலாம் என்று தொழில்நுட்பக் கல்வி இயக்ககம் அறிவித்துள்ளது.