day,
00
month
0000
லூசியானா: மிஸ் யூனிவர்ஸ் எனப்படும் பிரபஞ்ச அழகி பட்டத்தை வெல்லும் நோக்கில் மொத்தம் 84 நாடுகளை சேர்ந்த அழகிகள் பங்கேற்றனர். இதில் இந்தியா சார்பில் மங்களூருவை சேர்ந்த 25 வயதான திவிதா ராய் பங்கேற்றார். இதில் டாப் 16 அழகிகளில் ஒருவராக அவர் இடம் பிடித்தார்.
இந்தப் போட்டியில் மிஸ் யூனிவர்ஸ் 2022-க்கான பட்டத்தை அமெரிக்காவை சேர்ந்த 28 வயதான ரபோனி கேப்ரியல் தேர்வு செய்யப்பட்டார். இரண்டாவது இடத்தை 23 வயதான வெனிசுலா அழகி அமண்டா டுடாமெல் பிடித்தார். மூன்றாவது இடத்தில் டொமினிக்கன் குடியரசை சேர்ந்த ஆண்ட்ரீனா மார்டினஸ் பிடித்தார். புதிய மிஸ் யூனிவர்ஸாக தேர்வாகி உள்ள ரபோனி கேப்ரியலுக்கு (2021 )கடந்த முறை பட்டம் வென்ற இந்தியாவின் ஹர்னாஸ் சாந்து பட்டம் சூட்டினார் .
