ஐபிஎல் கிரிக்கெட் முதல் ஆட்டத்தில் குஜராத் டைட்டன்ஸ் – சிஎஸ்கே அணிகள் இன்று மோதல்

ஐபிஎல் கிரிக்கெட் முதல் ஆட்டத்தில் குஜராத் டைட்டன்ஸ் – சிஎஸ்கே அணிகள் இன்று மோதல்

அகமதாபாத்: ஐபிஎல் டி 20 கிரிக்கெட் தொடரின் 16வது சீசன் குஜராத் மாநிலம் அகமதாபாத்தில் உள்ள நரேந்திர மோடி மைதானத்தில் இன்று இரவு தொடங்குகிறது. இரவு 7.30 மணிக்கு நடைபெறும் ஆட்டத்தில் நடப்பு சாம்பியனான ஹர்திக் பாண்டியா தலைமையிலான குஜராத் டைட்டன்ஸ், தோனி தலைமையிலான சென்னை சூப்பர் கிங்ஸ் அணியை எதிர்கொள்கிறது.

ஐபிஎல் டி20 கிரிக்கெட் தொடரின் 16வது சீசன் குஜராத் மாநிலம் அகமதாபாத்தில் உள்ள நரேந்திர மோடி மைதானத்தில் கோலாகலமாக தொடங்குகிறது. வரும் மே 28-ம் தேதி வரை நடைபெறும் இந்த கிரிக்கெட் திருவிழாவில் நடப்பு சாம்பியன் குஜராத் டைட்டன்ஸ், 5 முறை சாம்பியன் மும்பை இந்தியன்ஸ், 4 முறை சாம்பியன் சென்னை சூப்பர் கிங்ஸ், இரு முறை சாம்பியன் கொல்கத்தா நைட் ரைடர்ஸ், தலா ஒரு முறைபட்டம் வென்றுள்ள ராஜஸ்தான் ராயல்ஸ், சன் ரைசர்ஸ் ஹைதராபாத் ஆகிய அணிகளுடன் கோப்பையை வெல்ல முடியாமல் தவித்து வரும் பெங்களூரு ராயல் சேலஞ்சர்ஸ், பஞ்சாப் கிங்ஸ், டெல்லி கேபிடல்ஸ், கடந்த ஆண்டு அறிமுகமான லக்னோ சூப்பர் ஜெயண்ட்ஸ் ஆகிய 10 அணிகள் களமிறங்குகின்றன. மொத்தம் 70 லீக் ஆட்டங்கள் நடைபெறுகிறது. லீக் சுற்றில் முதல் 4 இடங்களை பிடிக்கும் அணிகள் பிளே ஆஃப் சுற்றுக்கு முன்னேறும்.