குஜராத் தேர்தல் தேதி அறிவிப்பு

குஜராத் தேர்தல் தேதி அறிவிப்பு

குஜராத் சட்டசபையின் பதவிக்காலம் 2023ம் ஆண்டு பிப்ரவரி மாதம் 18ஆம் தேதியுடன் முடிவடைகிறது. இதையடுத்து, குஜராத் மாநிலத்தின் சட்டசபை தேர்தல் தேதியை இன்று செய்தியாளர்களை சந்தித்த தலைமை தேர்தல் ஆணையர் ராஜீவ் குமார் தேர்தல் நடைபெறும் தேதி குறித்து அறிவிப்பு வெளியிட்டார். அதில், குஜராத் மாநில சட்டசபை தேர்தல் வரும் டிசம்பர் 1ம் தேதி மற்றும் 5ம் தேதி என இரண்டு கட்டங்களாக நடைபெறும். வாக்கு எண்ணிக்கை டிசம்பர் 8ம் தேதி நடைபெறும். குஜராத்தில் மொத்தம் 182 தொகுதிகளில் 4.90 கோடி வாக்காளர்கள் உள்ள நிலையில் மொத்தம் 51,782 வாக்குச்சாவடிகள் அமைக்கப்பட்டுள்ளன. குஜராத் மாநில தேர்தலில் 4.6 லட்சம் புதிய வாக்காளர்கள் வாக்களிக்கவுள்ளனர். 80 சதவீதம் வயதானவர்கள், 40 சதவீதம் திறன் பாதிக்கப்பட்ட மாற்றுத் திறனாளிகள் வீட்டிலிருந்து வாக்களிக்க ஏற்பாடு செய்யப்பட்டுள்ளது என்று அவர் கூறினார். முன்னதாக, இமாச்சல பிரதேசத்தின் சட்டசபை தேர்தலுக்கான தேதியை தலைமை தேர்தல் ஆணையம் கடந்த 14-ந் தேதி அறிவித்தது. அதன்படி இமாச்சல பிரதேசத்தில் நவம்பர் 12-ம் தேதி தேர்தல் நடைபெறும் என்றும் டிசம்பர் 8-ந் தேதி வாக்கு எண்ணிக்கை நடைபெறும் என்றும் அறிவிக்கப்பட்டிருந்தது குறிப்பிடத்தக்கது.