கடும் குளிரால் பயணிகள் வருகை குறைந்தது : சென்னையில் 6 விமானங்கள் ரத்து

கடும் குளிரால் பயணிகள் வருகை குறைந்தது : சென்னையில் 6 விமானங்கள் ரத்து

சென்னையில் இரவு நேரம் கடுமையான குளிர் நிலவுகிறது. எனவே இரவு விமானங்களிலும், அதிகாலை விமானங்களிலும், பயணிகள் எண்ணிக்கை மிகவும் குறைவாகவே இருக்கிறது.இதனால் 6 விமானங்கள் திடீரென நிறுத்தப்பட்டுள்ளது. சென்னையிலிருந்து நேற்று இரவு 9 மணிக்கு ஐதராபாத் செல்ல வேண்டிய இண்டிகோ ஏர்லைன்ஸ் ,நேற்று இரவு 10 மணிக்கு சென்னையில் இருந்து கொல்கத்தா செல்ல வேண்டிய இண்டிகோ ஏர்லைன்ஸ், ஐதராபாத்தில் இருந்து இன்று அதிகாலை 1.15 மணிக்கு சென்னை வர வேண்டிய இண்டிகோ ஏர்லைன்ஸ் பயணிகள் விமானம், கொல்கத்தாவில் இருந்து இன்று அதிகாலை 1.15 மணிக்கு சென்னை வர வேண்டிய இண்டிகோ ஏர்லைன்ஸ், விமானம் ரத்து செய்யப்பட்டது. இலங்கையில் இருந்து வரும் ஸ்ரீலங்கன் ஏர்லைன்ஸ் பயணிகள் விமானம், இன்று அதிகாலை 2 மணிக்கு, சென்னைக்கு வந்துவிட்டு, மீண்டும் சென்னையில் இருந்து, அதிகாலை 3.15 மணிக்கு, இலங்கைக்கு புறப்பட்டு செல்லும். அந்த இரு விமானங்களும் இன்று ரத்து செய்யப்பட்டுள்ளன.

இந்நிலையில், பெரிய ரக விமானங்களில் ஆட்கள் குறைவாக இருக்கும் நிலையில், மற்ற இடங்களில் காலியாக விமானத்தை இயக்க முடியாது என்பதால் , அந்த பயணிகளுக்கு மாற்று ஏற்பாடு செய்திருப்பதாக விமான நிலைய அதிகாரிகள் தெரிவித்துள்ளனர்.