அடுத்த ஆண்டு ஏப்ரல் மாதங்களில் கூட்டுறவு சங்க தேர்தல்: தமிழக அரசு முடிவு

அடுத்த ஆண்டு ஏப்ரல் மாதங்களில் கூட்டுறவு சங்க தேர்தல்: தமிழக அரசு முடிவு

சென்னை: தமிழ்நாட்டில் கூட்டுறவு சங்கங்களுக்கான தேர்தல் கடந்த 2018 ஆம் ஆண்டு நடைபெற்றது. இதில் அடுத்த ஆண்டு ஏப்ரல் மாதத்துடன் 5 ஆண்டுகள் முடிவடைய உள்ள 4600 கூட்டுறவு சங்கங்களுக்கு தேர்தல் நடத்த கூட்டுறவு சங்கங்களுக்கான தேர்தல் ஆணையம் முடிவு செய்துள்ளது. இந்நிலையில் கூட்டுறவு சங்கங்களின் பதிவாளர் அனைத்து மண்டல பதிவாளர்களுக்கும் சுற்றறிக்கை அனுப்பியுள்ளது.

அடுத்த ஆண்டு ஏப்ரல் மாதம் தேர்தல் நடத்த ஏதுவாக 5 ஆண்டுகள் பதவிக்காலம் நிறைவடையும் கூட்டுறவு சங்கங்களின் பட்டியலை 28 ஆம் தேதிக்குள் அனுப்பி வைக்க வேண்டும் என்று அறிவுறுத்தி உள்ளார். இதன்படி அடுத்தாண்டு ஏப்ரல் மாதம் கூட்டுறவு சங்கங்களின் தேர்தல் தொடர்பான அறிவிப்பு வெளியிடப்படும் என தெரிவித்துள்ளனர்.