விஜய்க்கு பதில் வாரிசு படத்தில் உதயநிதி ஸ்டாலின் நடித்திருக்க வேண்டும்: செல்லூர் ராஜு

விஜய்க்கு பதில் வாரிசு படத்தில் உதயநிதி ஸ்டாலின் நடித்திருக்க வேண்டும்: செல்லூர் ராஜு

மதுரை டி.எம் கோர்ட் பகுதியில் அதிமுக பொன்விழா நிறைவு மற்றும் 51வது ஆண்டு தொடக்க விழா பொதுக்கூட்டத்தில் பேசிய முன்னாள் அமைச்சர் செல்லூர் கே.ராஜூ, நிதியமைச்சர் பழனிவேல் தியாகராஜனுக்கு ஏழைகள், பெண்கள் படும் கஷ்டங்கள் தெரியாது. படித்தவர்கள் பணக்காரர்கள் பற்றி மட்டும்தான் தெரியும். தமிழக அமைச்சர்கள் தரக்குறைவாக பேசி வருகின்றனர். பெண்களுக்கு ரூ.1,000 கொடுப்பதற்கு 1008 காரணங்கள் சொல்கின்றனர். திமுக கொடுத்த வாக்குறுதியை நிறைவேற்றவில்லை. ஆனால், நிதியமைச்சர் டான் என்கிறார். நீங்கள் டான் என்றால் நாங்கலாம் சூப்பர் டான். முதலமைச்சரே புலம்பும் அளவுக்கு அமைச்சர்களும், திமுக நிர்வாகிகளும் செயல்பட்டு வருகின்றனர். திமுக ஆட்சியேற்ற பிறகு கடந்த சில மாதங்களாக விலைவாசி விண்ணை முட்டும் அளவுக்கு உயர்ந்துள்ளது. இந்த நிலையில், புதிய போக்குவரத்து விதி அமலுக்கு வந்துள்ளது. இது மாதிரி அபராதம் விதித்தால் ஊழலுக்கு வழிவகுக்கும். இது தவறான முன்னுதாரண சட்டம். விஜய் தற்போது வாரிசு படத்தில் நடித்தது வருகிறார். உண்மையிலேயே உதயநிதி ஸ்டாலின் தான் அந்தப் படத்தில் ஹீரோவாக நடிக்க வேண்டும் என்று அவர் பேசியுள்ளார்.