சற்று குறைந்த ஒருநாள் கொரோனா பாதிப்பு

சற்று குறைந்த ஒருநாள் கொரோனா பாதிப்பு

இந்தியாவில் சில நாட்களாக உயர்ந்து வந்த தினசரி கொரோனா பாதிப்பு இன்று சற்று குறைந்தது. கடந்த 24 மணி நேரத்தில், 12 ஆயிரத்து 751 ஆக குறைந்தது. இதுவரை கொரோனாவால் பாதிக்கப்பட்டோர் மொத்த எண்ணிக்கை 4 கோடியே 41 லட்சத்து 74 ஆயிரத்து 650 ஆக அதிகரித்து வந்த நிலையில், கொரோனாவில் இருந்து கடந்த 24 மணி நேரத்தில் 16 ஆயிரத்து 412 பேர் குணம் அடைந்து வீடு திரும்பினர். இதுவரை 4 கோடியே 35 லட்சத்து 16 ஆயிரத்து 71 பேர் குணம் அடைந்து வீடு திரும்பி உள்ளனர். நாடு முழுவதும் கொரோனாவுக்கு சிகிச்சை பெறுவோர் எண்ணிக்கை 1 லட்சத்து 31 ஆயிரத்து 807 பேர். கடந்த 24 மணி நேரத்தில் மட்டும் 41 பேர் பலியாகி உள்ளனர். இதுவரை கொரோனாவுக்கு மொத்தம் 5 லட்சத்து 26 ஆயிரத்து 772 பேர் இறந்துள்ளனர். நாடு முழுவதும் தடுப்பூசி செலுத்தியவர்களின் எண்ணிக்கை 2,06,88,49,775 ஆக அதிகரித்துள்ளது. நேற்று ஒரே நாளில் 31,95,034 பேருக்கு தடுப்பூசி செலுத்தப்பட்டுள்ளதாக மத்திய சுகாதார அமைச்சகம் தெரிவித்துள்ளது