சிபிஎஸ்இ தேர்வு முடிவுகள் வெளியீடு

சிபிஎஸ்இ தேர்வு முடிவுகள் வெளியீடு

சிபிஎஸ்இ பாடத்திட்டம் மூலம் 12ஆம் தேர்வு மாணவர்கள் எழுதிய பொதுத்தேர்வு முடிவுகள் இன்று (ஜூலை மாதம் 22ஆம் தேதி) வெளியிடப்பட்டது. தேர்வில் 92.71 சதவிகிதம் மாணவ, மாணவிகள் தேர்ச்சி பெற்றுள்ளனர். இதில் 91.25% மாணவர்களும் 94.54% மாணவிகளும் தேர்ச்சியடைந்துள்ளனர். மேலும், திருவனந்தபுரம் மண்டலம் 98.82% தேர்ச்சியுடன் இந்தியாவிலேயே முதலிடத்தில் உள்ளது. 98.16% தேர்ச்சியுடன் பெங்களூரு மண்டலம் இரண்டாமிடத்தையும் 97.79% தேர்ச்சியுடன் சென்னை மூன்றாம் இடத்தையும் பெற்றுள்ளது. ஒட்டுமொத்தமாக கடந்த ஆண்டைவிட தேர்ச்சி விகிதம் 7% குறைந்துள்ளது குறிப்பிடத்தக்கது. சிபிஎஸ்இ தேர்வு முடிவுகள் வெளியான பிறகே கல்லூரி மாணவர் சேர்க்கை என தமிழக உயர்கல்வித் துறை அமைச்சர் பொன்முடி தெரிவித்திருந்தார். அதன்படி, அடுத்த 5 நாட்களுக்கு சிபிஎஸ்இ பாடத்திட்டத்தில் பொதுத்தேர்வு எழுதி தேர்ச்சிப் பெற்ற மாணவர்கள் தமிழக அரசு கல்லூரிகளில் விண்ணப்பிக்கலாம்.