சச்சினை பின்னுக்குத்தள்ளிய பாக் வீரர்

சச்சினை பின்னுக்குத்தள்ளிய பாக் வீரர்

ஐ.சி.சி. வெளியிட்டுள்ள ஆல் டைம் ஒருநாள் கிரிக்கெட் போட்டிக்கான பேட்ஸ்மேன் தரவரிசை பட்டியலில் பாபர் அசாம் 15ஆவது இடத்திற்கு முன்னேறியுள்ளார். இதன் மூலம் 16ஆவது இடத்தில் இருந்த சச்சின் டெண்டுல்கரை அவர் பின்னுக்கு தள்ளியுள்ளார். முன்னதாக, அண்மையில் நடைபெற்ற ஆஸ்திரேலியாவுக்கு எதிரான ஒருநாள் தொடரில், பாகிஸ்தான் கிரிக்கெட் அணி கேப்டன் பாபர் அசாம் 2 சதங்களை அடித்ததின் மூலம் 15ஆவது இடத்துக்கு முன்னேறியுள்ளார். இந்த பட்டியலில் வெஸ்ட் இண்டீஸ் முன்னாள் கேப்டன் விவியன் ரிச்சர்ட்ஸ் முதலிடத்திலும், பாகிஸ்தான் முன்னாள் கேப்டன் ஷாகீர் அப்பாஸ் 2ஆவது இடத்திலும் ஆஸ்திரேலியா முன்னாள் கேப்டன் கிரேக் சேப்பல் 3ஆவது இடத்திலும் உள்ளனர். மேலும், இந்திய அணியின் முன்னாள் கேப்டன் விராட் கோலி 6ஆவது இடத்தில் உள்ளார் என்பது குறிப்பிடத்தக்கது.