மாநகராட்சி சொத்துவரியை செலுத்த ஏற்பாடு : இன்றும், நாளையும் 170 இடங்களில் சிறப்பு முகாம்

மாநகராட்சி சொத்துவரியை செலுத்த ஏற்பாடு : இன்றும், நாளையும் 170 இடங்களில் சிறப்பு முகாம்

சென்னை: சென்னை மாநகராட்சி கூறியிருப்பதாவது: சென்னை மாநகராட்சியில் உள்ள சொத்து உரிமையாளர்கள், ஏப்ரல் மற்றும் அக்டோபர் மாதங்களில் 15-ம் தேதிக்குள் அரையாண்டுக்கான சொத்துவரியை செலுத்த வேண்டும். அவ்வாறு செலுத்துவோருக்கு 5 சதவீத ஊக்கத் தொகை, அதிகபட்சமாக ரூ.5 ஆயிரம் வரை வழங்கப்படுகிறது.

நடப்பு நிதியாண்டின் முதல் அரையாண்டு காலமான ஏப்ரல் 6-ம் தேதி வரை 2 லட்சத்து 56 ஆயிரத்து 662 சொத்து உரிமையாளர்கள் ஊக்கத் தொகை பெற்றுள்ளனர். அதன்படி இன்றும், நாளையும் தலா 170 இடங்களில் காலை 10 முதல் பிற்பகல் 2 மணி வரை சிறப்பு முகாம்கள் நடைபெற உள்ளன. இந்த முகாம்களில் சொத்து உரிமையாளர்களிடம் இருந்து, காசோலை, கடன் மற்றும் பற்று அட்டை மூலம் சொத்துவரி வசூலிக்கப்படும் என்று தெரிவிக்கப்பட்டுள்ளது.