ஜி20 கூட்டத்தில் பங்கேற்க இந்தியா வந்தடைந்தார் : அமெரிக்க வெளியுறவு மந்திரி ஆன்டனி பிளிங்கன்

ஜி20 கூட்டத்தில் பங்கேற்க இந்தியா வந்தடைந்தார் : அமெரிக்க வெளியுறவு மந்திரி ஆன்டனி பிளிங்கன்

புதுடெல்லி: இந்தியாவின் தலைமையில், ஜி 20 மாநாடு ஓராண்டுக்கு நடைபெறுகிறது. இதனையொட்டி, புதுடெல்லியில் மார்ச் 1 மற்றும் 2 ஆகிய தேதிகளில் ஜி 20 வெளியுறவு மந்திரிகளின் கூட்டம் நடைபெற திட்டமிடப்பட்டுள்ளது. கூட்டத்தில் பங்கேற்க ஜி 20 உறுப்பினர் அல்லாத நாடுகள் உள்பட 40 நாடுகளின் பிரதிநிதிகள் கலந்து கொள்ள அழைக்கப்பட்டுள்ளனர்.

இதில், சீன , ரஷிய, அமெரிக்க, இங்கிலாந்து ஆகிய நாடுகளின் வெளியுறவு மந்திரிகள் பங்கேற்கின்றனர். இந்தக் கூட்டத்தில் பிரதமர் மோடி கலந்து கொண்டு உறுப்பு நாடுகளின் வெளியுறவு மந்திரிகள் மத்தியில் உரையாற்றுவதாக கூறப்படுகிறது.

இந்நிலையில், இந்தியாவில் நடைபெற உள்ள ஜி 20 வெளியுறவு மந்திரிகளின் கூட்டத்தில் கலந்து கொள்வதற்காக டெல்லி வந்தடைந்த அமெரிக்க வெளியுறவு மந்திரி ஆன்டனி பிளிங்கன் அவர்களுக்கு அதிகாரிகள் பலர் உற்சாக வரவேற்பு அளித்தனர்.