day,
00
month
0000
ஜப்பான் நாட்டின் ஷிகா மாகாணத்தில் கேம்ப் இமாசு பகுதியில் இந்திய-ஜப்பான் ராணுவங்கள் பிரமாண்ட ராணுவ போர் பயிற்சியில் ஈடுபடுகின்றன. இதற்கு ‘தர்ம கார்டியன்’ என்று பெயரிடப்பட்டுள்ளது. மார்ச் 2-ந் தேதிவரை, 2 வார காலத்துக்கு இப்பயிற்சி நடக்கிறது. தற்போதைய சர்வதேச சூழ்நிலையில், இந்தியாவும், ஜப்பானும் சந்திக்கும் பாதுகாப்பு சவால்களின் பின்னணியில், இது முக்கியத்துவம் வாய்ந்தது என்று இந்திய ராணுவ அதிகாரிகள் தெரிவித்தனர். பயிற்சியில், இந்திய ராணுவத்தின் கர்வால் ரைபிள்ஸ் படைப்பிரிவினரும், ஜப்பான் ராணுவத்தின் தரைப்படை பிரிவினரும் பங்கேற்கிறார்கள்.
இதுகுறித்து இந்திய ராணுவம் வெளியிட்டுள்ள அறிக்கையில்:- இந்திய-ஜப்பான் கூட்டு ராணுவ போர் பயிற்சி இரு ராணுவமும் யுத்த உத்திகளை பகிர்ந்து கொள்ள நல்ல வாய்ப்பாக அமையும். உடல் தகுதிக்கு முக்கியத்துவம் அளிக்கப்படும். கூட்டாக திட்டமிடல், கூட்டாக வியூகம் வகுத்தல் ஆகியவற்றில் ஈடுபட முடியும். மேலும், இரு நாடுகளிடையே பாதுகாப்பு ஒத்துழைப்பு அதிகரிப்பதுடன் இருதரப்பு உறவும் வலுப்படும் என்று கூறப்பட்டுள்ளது.
