day,
00
month
0000
கழுத்தொட்டிய அட்டிகை
அகன்ற கல்மூக்குத்தி
வாய்கொள்ளாச் சிரிப்புடன்
பேரிளம் பெண்ணொருத்தி
அபூர்வத்திலும் அபூர்வமாக
பெருநகரத்தின் வீதிகளில் தட்டுப்படுவதை
நினைவில் ஊரைச் சுமந்துவாழும் ஒருத்தி
கண்டுவிடுகிறாள்
அதன்பிறகு ஊர்த்தெருவிலேயே
அலையும் அவளை மீட்பதென்பது
சவாலிலும் சவாலாக உள்ளது
மீனின் செதிலில் இருக்கும்
கடைசி சொட்டுக் கடலை
எப்படித் துடைத்தெடுக்க இயலும்?
-நாச்சியாள் சுகந்தி
