day,
00
month
0000
வேலூர் மாவட்டம் காட்பாடி அடுத்த கோரந்தாங்கள் கிராமத்தை சேர்ந்த கூலி தொழில் செய்யும் தம்பதியினரின் 11 வயது சிறுமி வீட்டில் தனியாக டிவி பார்த்துக் கொண்டிருந்துள்ளார். அப்போது, அதே பகுதியை சேர்ந்த முனுசாமி(64) என்ற முதியவர், சிறுமியின் வீட்டுக்குள் புகுந்து சிறுமியின் வாயை பொத்தி, பாலியல் தொல்லை கொடுத்துள்ளார். இதனையடுத்து, சிறுமி பதறி ஓடிச்சென்று நடந்த சம்பவத்தை அருகில் உள்ள தனது சித்தப்பாவிடம் கூறியுள்ளார். உடனடியாக சிறுமியின் உறவினர்கள் காட்பாடி அனைத்து மகளிர் காவல் நிலையத்தில் இது குறித்து புகார் அளித்துள்ளனர். புகாரின்பேரில் சம்பவ இடத்திற்கு விரைந்து சென்ற அனைத்து மகளிர் காவல்நிலைய உதவி ஆய்வாளர் சுஜாதா, காட்பாடி காவல் நிலைய உதவி ஆய்வாளர் கார்த்தி ஆகியோர் சிறுமிக்கு பாலியல் தொல்லை கொடுத்த முனுசாமியை போஸ்கோ சட்டத்தின்கீழ் கைது செய்தனர். பின்னர், முனுசாமியை நீதிமன்றத்தில் ஆஜர்படுத்தி, வேலூர் மத்திய சிறையில் அடைத்துள்ளனர். வீட்டில் தனியாக இருந்த 11 வயது சிறுமிக்கு 64 வயது முதியவர் பாலியல் தொல்லை கொடுத்த சம்பவம் அந்த பகுதியில் பரபரப்பை ஏற்படுத்தியுள்ளது.
