day,
00
month
0000
தமிழகத்தில் 12ஆம் வகுப்பு பொதுத்தேர்வு மே 5ஆம் தேதி தொடங்கி மே 28ஆம் தேதி முடிவடைந்தது. அதேபோல், பத்தாம் வகுப்பு பொதுத்தேர்வு மே 6ஆ தேதி தொடங்கி மே 30ஆம் தேதி வரை நடைபெற்றது. இதனையடுத்து, 10ஆம் வகுப்பு பொதுத்தேர்வு முடிவுகள் நாளையும், 12ஆம் வகுப்பு பொதுத்தேர்வு முடிவுகள் ஜூன் 23ஆம் தேதியும் வெளியாகும் என பள்ளிக்கல்வித்துறை ஏற்கனவே அறிவித்திருந்தது. இந்த நிலையில், தேர்வு முடிவுகளை அறிவிப்பதற்கான தேதிகளை இன்று மாற்றி அமைத்து தமிழக பள்ளிக்கல்வித்துறை அறிவித்துள்ளது. அதன்படி, 10 மற்றும் 12ஆம் வகுப்புகளுக்கான பொதுத்தேர்வு முடிவுகள் ஜூன் 20ம் தேதி ஒரேநாளில் வெளியிடப்படும் என அறிவிக்கப்பட்டுள்ளது. ஜூன் 20ம் தேதி காலை 9:30 மணிக்கு 12ஆம் வகுப்பு பொதுத்தேர்வு முடிவுகளும், நண்பகல் 12 மணிக்கு 10ஆம் வகுப்பு பொதுத்தேர்வு முடிவுகளும் வெளியாகிறது. அரசு தேர்வுத்துறையின், tnresults.nic.in, dge1.tn.nic.in மற்றும் dge2.tn.nic.in ஆகிய இணையதளங்களில் பொதுத்தேர்வு முடிவுகள் மற்றும் மதிப்பெண் விபரங்களை மாணவர்கள் தெரிந்து கொள்ளலாம். மேலும், மாணவர்கள் மற்றும் தனித் தேர்வர்களின் மொபைல் போன் எண்களுக்கு, மதிப்பெண் விபரங்கள், குறுஞ்செய்தியாகவும் அரசு தேர்வுத்துறையால் அனுப்பப்படும் என்பது குறிப்பிடத்தக்கது.
