லக்னோவை பின்னுக்கு தள்ளுமா கொல்கத்தா

லக்னோவை பின்னுக்கு தள்ளுமா கொல்கத்தா

15ஆவது ஐபிஎல் டி20 கிரிக்கெட் தொடரின் 53ஆவது லீக் ஆட்டத்தில், கே.எல்.ராகுல் தலைமையிலான லக்னோ சூப்பர் ஜெயன்ட்ஸ் அணியுடன், ஸ்ரேயாஸ் அய்யர் தலைமையிலான கொல்கத்தா நைட் ரைடர்ஸ் அணி போட்டியிட உள்ளது. இன்று மாலை 7.30 மணிக்கு இந்தபோட்டி மும்பை புனே மைதானத்தில் நடைபெற இருக்கிறது. இந்ததொடரில் 10 ஆட்டங்களில் போட்டியிட்டு உள்ள லக்னோ அணி 7 போட்டிகளில் வெற்றியும் 3 போட்டிகளில் தோல்வியையும் தழுவி, புள்ளி பட்டியலில் 2ஆவது இடத்தில் உள்ளது. கொல்கத்தா அணி இதுவரை இந்ததொடரில் விளையாடிய 10 ஆட்டங்களில் 4 ஆட்டத்தில் வெற்றியும், 6 ஆட்டத்தில் தோல்வியையும் தழுவி புள்ளி பட்டியலில் 7 ஆவது இடத்தில் உள்ளது. இந்தநிலையில், இன்றைய ஆட்டத்தில் லக்னோ சூப்பர் ஜெயன்ட்ஸ் அணி வெற்றி பெறவே அதிக வாய்ப்புள்ளதாக முந்தைய ஆட்ட தரவுகளும், தற்போதைய கணிப்பும் கூறுகிறது.