முன்னேற்றத்தை நோக்கி மும்பை

 முன்னேற்றத்தை நோக்கி மும்பை

15ஆவது ஐபிஎல் டி20 கிரிக்கெட் தொடரின் 56ஆவது லீக் ஆட்டத்தில், ஸ்ரேயாஸ் அய்யர் தலைமையிலான கொல்கத்தா நைட் ரைடர்ஸ் அணி, ரோகித் ஷர்மா தலைமையிலான மும்பை இந்தியன்ஸ் அணியுடன் மோதுகிறது. இன்று மாலை 7.30 மணிக்கு இந்த போட்டி மும்பை டி.ஒய்.பட்டீல் மைதானத்தில் நடைபெற இருக்கிறது. இதுவரை கொல்கத்தா அணியும் மும்பை அணியும் நேருக்கு நேர் 30 ஆட்டங்களில் சந்தித்துள்ளன. அதில், 8 ஆட்டங்களில் கொல்கத்தா அணியும் 22 ஆட்டங்களில் மும்பை அணியும் வெற்றிப்பெற்றுள்ளது. இந்ததொடரில் 11 ஆட்டங்களில் போட்டியிட்டு உள்ள கொல்கத்தா அணி 4 போட்டிகளில் வெற்றியும் 7 போட்டிகளில் தோல்வியையும் தழுவி, புள்ளி பட்டியலில் 9ஆவது இடத்தில் உள்ளது. மும்பை அணி இதுவரை இந்ததொடரில் விளையாடிய 10 ஆட்டங்களில் 2 ஆட்டத்தில் வெற்றியும், 8 ஆட்டத்தில் தோல்வியையும் தழுவி புள்ளி பட்டியலில் கடைசி இடத்தில் உள்ளது. இந்தநிலையில், இன்றைய ஆட்டத்தில் மும்பை இந்தியன்ஸ் அணி வெற்றி பெறவே அதிக வாய்ப்புள்ளதாக முந்தைய ஆட்ட தரவுகளும், தற்போதைய கணிப்பும் கூறுகிறது.