குஜராத்தில் புதிய வகை கொரோனா?

குஜராத்தில் புதிய வகை கொரோனா?

காமா, பீட்டா, டெல்டா, டெல்டா பிளஸ், ஒமைக்ரான் என கொரோனா வைரஸ் அடிக்கடி உருமாற்றம் பெற்று புதிய வகையாக மாறி பரவி வருகிறது. ஒமைக்ரான் வைரசில் இருந்து பிஏ1, பிஏ.2 ஆகிய 2 வகை வைரசுகள் தற்போது உலகம் முழுக்க பரவி பாதிப்பை ஏற்படுத்தி வருகின்றன. இந்த நிலையில் பிஏ.1, பிஏ.2 ஆகிய 2 வைரசுகளும் கலந்து எக்ஸ்-இ என்ற புதிய வகை கொரோனா வைரசை தோற்றுவித்துள்ளன. இந்த எக்ஸ்-இ வைரஸ் முந்தைய கொரோனா வைரசுகளைவிட 10 மடங்கு அதிவேகமாக பரவும் ஆற்றல் கொண்டது. இந்த வகையான வைரஸ், குஜராத்தில் ஒருவருக்கு இருப்பது கண்டறியப்பட்டு இருப்பதாக தகவல் வெளியாகி உள்ளது. ஆனால் எக்ஸ்-இ வைரஸ் பாதிக்கப்பட்டதாக கூறப்படும் நபர் பற்றிய வேறு எந்த தகவல்களும் வெளியாகவில்லை.