day,
00
month
0000
அமெரிக்காவின் முன்னணி ஓட்டப்பந்தய வீராங்கனை 36 வயதான அலிசன் பெலிக்ஸ், இந்த ஆண்டுடன் விளையாட்டில் இருந்து ஓய்வு பெறுவதாக அறிவித்துள்ளார். அவர் ஒலிம்பிக்கில் 7 தங்கம் உள்பட 11 பதக்கங்களும், உலக தடகள சாம்பியன்ஷிப்பில் 13 தங்கப்பதக்கமும் வென்ற சாதனையாளர் ஆவார். குறிப்பாக, இவர் ஒலிம்பிக் தடகளத்தில் அதிக பதக்கம் வென்ற வீராங்கனை என்ற சிறப்பைப் பெற்றவர் ஆவார். தனது ஓய்வு குறித்து இன்ஸ்டாவில், ‘இந்த சீசனுடன் விளையாட்டில் இருந்து விடைபெறுகிறேன். எனக்கு ஆதரவாக இருந்த அனைவருக்கும் நன்றி’ என்று கூறியுள்ளார். 2018ம் ஆண்டு பெண் குழந்தைக்கு தாயான அவர், மீண்டும் களம் திரும்பி, 2019ம் ஆண்டு நடைபெற்ற உலக தடகளத்தில் 2 தங்கம் வென்றிருந்தார் என்பது குறிப்பிடத்தக்கது. அவரை தோழிகள் சிறுவயதில், ‘கோழி கால்கள்’ எனக் கிண்டலடித்திருப்பதையும் பகிர்ந்திருக்கும் அலிசன், இந்த அளவுக்கு சாதிப்பேன் என்று கற்பனை செய்துகூட பார்த்ததில்லை’ என்று கூறியிருக்கிறார்
