இந்தியாவில் கடந்த 24 மணி நேரத்தில் 1,086 பேருக்கு கொரோனா தொற்று உறுதி செய்யப்பட்டுள்ளது. நேற்று 6ஆம் தேதி 795 பேருக்கும், நேற்று முன்தினம் 5ஆம் தேதி 913 பேருக்கும் என கடந்த இரு நாட்களாக ஆயிரத்துக்கும் கீழ் இருந்த கொரோனா பாதிப்பு இன்று மீண்டும் சற்று அதிகரித்துள்ளது. இதனால், நாட்டில் கொரோனா பாதிக்கபட்டவர்களின் மொத்த எண்ணிக்கை 4,30,30,925ஆக அதிகரித்துள்ளது. அதேபோல, கொரோனா பாதிப்பில் இருந்து 1,198பேர் குணமடைந்துள்ளனர். இதனால், இந்தியாவில் கொரோனாவில் இருந்து குணமடைந்தோர் மொத்த எண்ணிக்கை 4,24,97,567ஆக அதிகரித்துள்ளது. நாடு முழுவதும் வைரஸ் பாதிக்கப்பட்டவர்களில் 11, 871பேர் சிகிச்சை பெற்று வருகின்றனர். ஆனாலும், கொரோனா தாக்குதலுக்கு கடந்த 24 மணி நேரத்தில் 71பேர் உயிரிழந்துள்ளனர். இதனால், இந்தியாவில் கொரோனாவால் உயிரிழந்தோர் மொத்த எண்ணிக்கை 5,21,487ஆக அதிகரித்துள்ளது. அதேவேளை நாடு முழுவதும் இதுவரை 185,4,11,569 தடுப்பூசி டோஸ்கள் மக்களுக்கு செலுத்தப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.
